meeeeeeeee

Símamálið fræga? Neeee

Ég virðist vera á einhverjum "hit-list" á meðal úthringjara hjá fyrirtækjum. Ég hef varla undan að svara tryggingaráðgjöfum og tilboðum frá hinum og þessum blaðaútgáfum og símafyrirtækjum. Í kvöld hringdi svo í mig ungur maður frá Símanum og spurði hvort hann mætti ekki ræða við mig um fjarskiptamál mín. Þar sem viðskipti mín við Símann á sínum tíma einkenndust af allskonar veseni, kjaftæði og leiðindum sagðist ég nú bara eiginlega ekki vilja ræða við hann um fjarskiptamál mín, en bjó mig nú samt undir að fá einhverja voðalega söluræðu. Gæinn kom mér reyndar á óvart og sagði bara allt í lagi, og kvaddi. Kurteis ungur maður þarna á ferðinni, annað en dúddinn frá Tal sem spurði hvort ég væri kannski týpan sem drekkur kaffi, les Moggann og kýs Sjálfstæðisflokkinn... Reyndar hringdi, rétt á eftir símamanninum kurteisa, maður frá Mogganum að bjóða mér fríáskrift sem ég þáði... Hvenær eru aftur næstu kosningar? Kannski ég fari bara og helli uppá smá kaffi... ;)

Tiltekt
Það er greinilega ýmislegt sem þarf að laga og breyta og uppfæra hérna og svosem ekki skrýtið þegar ég hef ekki snert þetta í næstum tvö ár... Ég held ég ætli að halda áfram að fikta í þessu og sjá hvort ég hrökkvi ekki bara aftur í gang með þetta. Það gæti samt alveg tekið smá tíma... ;)

Kjörgengi?
Ég fór í göngutúr í gær. Svosem ekkert skrýtið við það þar sem ég á ekki bíl. En þessi gönguferð var sko ekkert grín, þetta var hreinlega lífshættulegt ferðalag. Ég gat valið um að ganga á göngustígum sem voru flughálir og ósaltaðir/sandbornir, ganga á götunni, og þá á miðri götunni því pollarnir meðfram ruðningunum voru ekki mjög freistandi eða að ösla í gegnum rennblautan snjóinn á milli götunnar og göngustígsins og príla í ruðningunum þar sem ekkert pláss var annars. Á meðan ég brasaði þetta hugsaði ég með mér að þetta væru sko ekki kjöraðstæður fyrir gangandi vegfarendur, og datt þá í hug orðið kjörgengi. Já, það var svo sannarlega ekkert kjörgengi í gær...